"Evropa është lartësi, lartësitë kërkojnë mund, djersë, përkushtim e vullnet për t'i arritur...!"
Me këtë slogan u organizua, me datë 13 qershor, nga Zyra e Integrimit Evropian Bashkia Tropojë, ngjitja e vështirë alpiniste në majat e malit të Jezercës 2694 m mbi nivelin e detit dhe maja më e lartë në Alpe.
Njësia e Integrimit Evropian dhe Ndihmës së Huaj në Bashkinë Mat, prej disa ditësh ka nisur punën për shpërndarjen e dhuratave të zgjedhura posaçërisht për të gëzuar fëmijët në nevojë dhe fëmijët me aftësi të kufizuara.
Këto dhurata janë mundësuar nga “Projekti Bashkitë për në Evropë”.
9 qershor – Njësia e Integrimit Evropian në Bashkinë Vlorë zhvilloi një diskutim të hapur me studentë dhe të rinj në auditorët e Kolegjit Universitar “Pavarësia”, Vlorë, me temë procesin e integrimit dhe rolin e të rinjve, si qytetarë aktivë që do të çojnë përpara këtë proces të rëndësishëm të vendit.
Ky aktivitet i Zyrës së Bashkimit Evropian në Bashkinë e Vlorës, u zhvillua në bashkëpunim edhe me Akademinë e Studimeve Politike.
Stafet e Njësive të Integrimit Evropian në të 61 Bashkitë e Shqipërisë, janë mbledhur sot në një takim online, të organizuar dhe koordinuar nga Projekti Bashkitë për në Evropë dhe udhëhequr nga drejtori i Agjencisë për Mbështetjen e Vetëqeverisjes Vendore, Z. Bekim Murati. Në takimin e zgjeruar kanë qenë të pranishëm 105 pjesëmarrës, falë edhe infrastrukturës së siguruar prej BpE.
Përgjatë dy javëve të fundit, Projekti “Bashkitë për në Evropë”, në bashkëpunim me ASPA ka vazhduar trainimet e përgjegjësve të Njësive të Integrimit Evropian në të gjithë bashkitë e Shqipërisë.
Politikat e Bashkimit Evropian në nivel Vendor, institucionet e Bashkimit Evropian, historiku i marrëdhënieve dhe rrugëtimit të Shqipërisë drejt BE-së, politikat e ndjekura dhe roli i pushtetit në këtë rrugëtim, si dhe roli thelbësor që kanë luajtu dhe do të luajnë Njësitë e Integrimit Evropian në këto bashki, kanë qenë larmia e temave të diskutuara.
