Në datat 9-10 qershor, “Bashkitë për në Evropë”, një projekt i financuar nga Bashkimi Evropian, organizoi në bashkëpunim me ASPA sesionin e dytë të trainimeve mbi rolin e pushtetit vendor në procesin e integrimit evropian.
Sesionet e trainimeve me grupin e dytë të stafeve të Njësive të Integrimit Evropian u zhvilluan në qytetin e Vlorës.

Takimi i frytshëm mes ekipit të Delegacionit të BE dhe Kryetarit të Bashkisë Kukës. U diskutua për promovimin e potencialeve ekonomike dhe turistike të zonës, si dhe për nevojat kryesore të popullsisë vendase. 
Pushteti vendor është ofruesi i shërbimeve më pranë qytetarëve dhe ka një rol thelbësor në procesin e integrimit në BE. U theksua se mbi 70 për qind e legjislacionit të Bashkimit Evropian zbatohet në nivel lokal. Prandaj, një përfshirje më e madhe e bashkive në këtë proces është e nevojshme dhe Bashkimi Evropian vazhdon të rrisë asistencën për pushtetin vendor.

Projektet “BE për Bashkitë” dhe “Bashkitë për në Evropë 2.0”, të financuara nga Bashkimi Evropian kanë vazhduar në qytetin e Elbasanit, serinë e seancave informuese mbi Thirrjen e Dytë të Skemës së Granteve të “BE për Bashkitë”, ku kanë marrë pjesë stafet e Njësive të Integrimit Evropian, në bashkitë e rajonit të Shqipërisë së mesme.

Projektet “BE për Bashkitë” dhe “Bashkitë për në Evropë 2.0”, të financuara nga Bashkimi Evropian kanë organizuar në Lezhë seanca informimit dhe trainimi mbi “Shkrimin e një Projekti të suksesshëm”, ku kanë marrë pjesë bashkitë që kanë interes të aplikojne në thirrjen e dytë të skemës së Granteve të projektit BE për Bashkitë (EU for Municipalities - EU4Municipalities).