Projekti “Bashkitë në Evropë” organizon 95 aktivitete gjatë Javës së Evropës.
Nga Bjeshkët e Tropojës, në brigjet e Vlorës, nga Kalaja e Krujës deri në sokakët e Gjirokastrës, ka ushtuar zëri i të rinjve në aktivitetet e Javës së Evropës, për të shprehur fort dëshirën e rinisë shqiptare, për të qenë pjesë e familjes së madhe evropiane.
VLORE, 9 MAJ 2019 - Në kuadër të Ditës së Evropës Njësia e Integrimit Evropian në Bashkinë Vlorë, në bashkëpunim me Drejtorinë Arsimore Rajonale të qytetit, zhvilloi një aktivitet festiv me nxënës të shkollave 9-Vjeçare të Bashkisë Vlorë.
Aktiviteti u zhvillua në dy pjesë.
VLORE, 6 MAJ 2019 - Në kuadër të Javës së Evropës, u zhvillua, në Vlorë, aktiviteti “Bashkia e të rinjve”, ku të rinj nga shkollat e qytetit janë shndërruar për një ditë në përfaqësues të qytetarëve, duke u bërë anëtarë të Këshillit Bashkiak.
Maliq, 9 Maj 2019 - Në kuadrin e javës evropiane, Njësia për Integrimin Evropian dhe Koordinimin e Ndihmës së Huaj në Bashkinë Maliq, organizoi aktivitetin "Bashkia e të Rinjve". Për një ditë, të rinjtë e qytetit të Maliqit janë shndërruar në këshilltarë të Bashkisë.
Aktiviteti me gjimnazistët ekselentë të gjimnazit “Skënderbeu” të Maliqit, janë mbledhur në sallën e këshillit bashkiak, aty ku për një ditë ishin ata që I kishin frenat e vendim-marrjes.
Në kuadër të Javës së Evropës, Këndi I BE pranë Bashkisë Durrës zhvilloi një aktivitet me fëmijë në mjediset e “Shoqatës për Trashëgimi dhe Edukim”, ku kanë marrë pjesë fëmijë të klubit të librit.
Aktiviteti është realizuar në formën e një udhëtimi imagjinar nëpër disa qytete të vendeve të Bashkimit Evropian.
Duke lexuar tregime prej librit “Misteret e yjeve të arta”, fëmijët janë ndalur në gjithësecilin prej tyre, duke bërë pyetje dhe kërkuar më shumë informacion për cilindo qytet që përmendej, të veçantat e atij qyteti, historinë, shtetin të cilit i përkiste etj.