Aktivitete

Këndi i BE-së në Bashkinë Vlorë ka vazhduar aktivitetet me qëllime informuese, në Njësitë Administrative të kësaj Bashkie.

Ditën e martë, 23 prill 2019, Këndi u zhvendos në njësinë e Novoselës, në Shkollën e Mesme të Bashkuar, ku nën drejtimin e Koordinatores së BE-së në Bashkinë Vlorë, znj. Fabiola Deliaj, të rinjtë zhvilluan një orë informuese dhe diskutimesh, tema qëndrore e të cilës ishte Agrikultura.

Me rastin e aktiviteteve të zhvilluara në kuadër të Javës së Evropës, Bashkia Shkodër, me angazhimin e Njësisë së Integrimit Evropian, ka zhvilluar në Qendrën Rinore “Atelie” aktivitetin me temë “Roli i bashkive në procesin e integrimit evropian”.

Belsh, 10-11 Maj 2019 - Në kuadër të Javës së Evropes, dhe në bashkëpunim me “Këshillin Rinor Belsh”, “Njësia për Koordinimin e Integrimit Evropian dhe Ndihmës së Huaj” në Bashkinë Belsh, organizoi aktivitetin me tematikë: "Ndiz edhe ti fanarin tënd dhe shpreh ëndrrën tënde Evropiane”.

Projekti Bashkitë për në Evropë", në bashkëpunim me ASPA ka nisur serinë e trainimeve me përgjegjësit dhe specialistët e Njësive të Integrimit Evropian, në të 61 bashkitë e Shqipërisë. Në datat 14-15 maj 2019, në Tiranë është zhvilluar trainimi i parë me Grupin e Parë të përfaqësuesve të Njësive të Integrimit Evropian.

Në kuadër të javës Evropiane, Njësia e Intergrimit në Bashkinë Krujë organizoi aktivitetin “Rinia, Kultura dhe Historia, pasaporta e Shqipërisë për në BE”.