Aktivitete

Në datën 9 Nëntor 2018, në ambjentet e “Europe House” në Tiranë, projekti “Bashkitë për në Evropë” në bashkëpunim me ASPA - “Shkollën Shqiptare të Administratës Publike”, AMVV “Agjensinë për Menaxhimin e Vetëqeverisjes Vendore”, Ministrinë e Brendëshme, Ministrinë për Evropën dhe Punët e jashtëme si dhe me mbështetjen e Delegacionit të Bashkimit Evropian në Shqipëri, organizoi një ceremoni disa planëshe me koordinatorët vendorë të BE në të gjitha Bashkitë e vendit.

Më datën 24 tetor 2018 në sallën e Këshillit Bashkiak Librazhd, u mbajt takimi me të rinj të moshave 16-18 vjec. Tematika e ditës informuese ishte Aktivitetet e Edukimit dhe Trajnimet nga programi Erasmus +. 20 të rinj të gjimnazit “Ibrahim Muca”, Librazhd u informuan rreth Erasmus + si fillim dhe më pas për programet e ndryshme që mund të përfitohen edhe nga të rinjtë në Shqipëri.  

Të rinjtë e ftuar u përzgjodhën në bashkëpunim me senatin e shkollës së mesme “Ibrahim Muca” mbi bazat e interesimit për tematikën dhe të qënurit aktive ndaj veprimtarive jashtëshkollore. 

Në datat 1 dhe 2 Tetor, projekti Bashkitë për në Evropë, në bashkëpunim me Ministrinë e Rendit që mbulon edhe çështjet e pushtetit vendor, si dhe me mbështetjen e programit TAIEX “ Technical Assistance and Information Exchange instrument of the European Commission” – “Instrumenti i Asistencës Teknike dhe Shkëmbimit të Informacionit të Komisionit Evropian”, zhvilloi trajnimin dy ditor me temë: “Ngritjen e kapaciteteve për pushtetin vendor në lidhje me procesin e integrimit evropian të vendit”.

Permbyllet ne Vlore raundi i pare i Trajnimeve Tematike mbi “Menaxhimin e Projekteve te Financuara nga BE ne Praktike” me perfaqesues nga ekipet zbatuese te Projekteve te financuara nga BE nga Bashkite Berat, Skrapar, Himare, Fier, Vlore, si dhe Koordinatoret e BE-se. 

Më datën 22 Tetor, në kuadër të ditës kombëtare të aktivizmit, Këndi i Be-së Gramsh në bashkëpunim me Bashkinë Gramsh dhe organizatën Center of Development Gramsh, organizuan aktivitetin “Aktivizohu edhe ti!” në Qendrën Kulturore të Fëmijëve, në qytetin e Gramshit. Qëllimi i këtij aktiviteti ishte nxitja e të rinjve për t’u bërë pjesë e projekteve sociale dhe për të ndërmarrë nisma në dobi të komunitetit.