Aktivitete

Në datën 19 Mars 2018, Kendi i BE në bashkinë Klos, organizoi një takim me qytetarë të ndryshëm dhe të rinjtë e shkollës së mesme të qytetit të Klosit, me temën “Qytetaria aktive “.

Në këtë aktivitet, Kordinatorja e BE-së për këtë bashki, Znj.Blediana Hoxha, bëri një prezantim të shkurtër të Këndit të BE të hapur së fundëmi në këtë qytet, funksionimit dhe mundësive që ofron ky Kënd në varësi të nevojave e interesave të të rinjve dhe qytetareve të Klosit.

Në datën 30 Mars 2018, Këndi i BE në bashkinë Klos, në bashkëpunim me bashkinë e qytetit, nxnësit e shkollave 9 vjeçare si dhe qytetarë të ndryshëm, organizuan një aktivitet për pastrimin e qytetit në kuadër të nismës “Të pastrojmë qytetin tonë”.

“Mjedis i pastër - jetë e shëndetëshme” - ishte logoja që u prezantua përpara fëmijëve të shkollave të qytetit të Klosit nga ana e Këndit të BE.

Në kuadër të ditës së Evropës, në datën 9 Maj 2018, u organizua një takim informues nga Koordinatorja Bledjana Hoxha  mbi  Këndin e  BE-së në këtë bashki. 

Takimi u zhvillua me nxënës të shkollës 9-Vjeçare të qytetit të Klosit . 

Në këtë takim u prezantua dhe u diskutua mbi funksionin e Këndit të BE-së pranë kësaj Bashkie si dhe u shpërndanë një numër i madh fletëpalosjesh informuese mbi BE-në për nxënësit.

Në datën 15 Maj 2018, Këndi i BE-së në bashkinë Klos organizoi një aktivitet me nxënës të Shkollës 9-Vjeçare Klos mbi Ditën Ndërkombëtare të Familjes.

Fillimisht u organizua një prezantim mbi këtë ditë nga koordinatorja Lokale e BE-së. Përmes posterave, këshillave dhe interpretimeve të nxënësve të shkollë 9-vjeçare   u trasmetuan mesazhe mjaft të qarta, domethënëse për rëndësinë, vlerat dhe domosdoshmërinë që ka “Familja’.

Nxënësit shprehën mendimet e tyre mbi familjen dhe problemet e saj.

Në datën 23 Maj 2018 koordinatorja e Këndit të BE-së në bashkinë Klos, organizoi një aktivitet në bashkëpunim me Shoqatën e të Verbërve të qytetit.

Në fillim të aktivitetit u prezantua Këndi i BE në këtë qytet. Prezantimi shërbeu si një fillesë njohurish në lidhje me mënyrën e trajtimit të personave më aftësi të kufizuara në territorin e vendeve anëtare të bashkimit Evropian si dhe mundësitë që të verbërit me shikim të munguar tërëssiht apo të pjesëshëm kanë në këto vende.