Në kuadër muajit Tetor, i cili është pagëzuar nga Ministria e Kulturës si “Muaji i Librit dhe Leximit”, Bashkia e Divjakës iu bashkua Panairit të Libri, cili u organizua në Shkollën 9-vjeçare “Koli Sako” në Divjakë.
Krahas dhurimeve të bëra nga ZVAP Divjakë dhe një Shtëpi Botuese, Zyra e Integrimit Evropian në Bashkinë e Divjakës kontribuoi në aktivitetin e shkollës nëpërmjet Projektit “Dhuro një libër, hap një Dritare“,financuar nga “Projekti Bashkitë për në Europë”.

Projektet “BE për Bashkitë” dhe “Bashkitë për në Evropë 2.0”, të financuara nga Bashkimi Evropian kanë vazhduar në qytetin e Elbasanit, serinë e seancave informuese mbi Thirrjen e Dytë të Skemës së Granteve të “BE për Bashkitë”, ku kanë marrë pjesë stafet e Njësive të Integrimit Evropian, në bashkitë e rajonit të Shqipërisë së mesme.

Në datën 12 prill 2022, projekti "BE për bashkitë" në bashkëpunim me projektin "Bashkitë për në Evropë", dhe me mbështetjen e Bashkimit Evropian, kanë zhvilluar në Tiranë takimin rrjetëzues me pjesëmarrjen e drejtuesve të Njësive të Integrimit Evropian në 61 bashkitë e Shqipërisë, si dhe përfaqësues nga bashkitë e vendeve të Evropës Juglindore.

Projektet “BE për Bashkitë” dhe “Bashkitë për në Evropë 2.0”, të financuara nga Bashkimi Evropian kanë organizuar në Lezhë seanca informimit dhe trainimi mbi “Shkrimin e një Projekti të suksesshëm”, ku kanë marrë pjesë bashkitë që kanë interes të aplikojne në thirrjen e dytë të skemës së Granteve të projektit BE për Bashkitë (EU for Municipalities - EU4Municipalities).

Projekti “Bashkitë për në Evropë” ka vazhduar seancat e trainimit të drejtuesve dhe stafeve të Njësive të Integrimit Evropian, në Tiranë, me diskutime mbi thirrjet konkrete të hapura nga Bashkimi Evropian, pjesë e të cilave është edhe Shqipëria. 
Thirrja e Dytë për propozime e BE për Zhvillimin Socio-Ekonomik (si alternativa ndaj kultivimit të drogës dhe kultivimit të kanabisit), ka qenë në fokus të seancave të trainimit 3-ditor.

Për dy ditë me radhë, Projekti “Bashkitë për në Evropë” ka zhvilluar sesionet e informimit me stafet e Njësive të Integrimit Evropian, mbi programin “Horizon Europe”, i cili është ndër të parët nga programet e reja të BE, që kanë hapur thirrjet. 
Sesioni i parë i informimit/trainimit është fokusuar tek bashkitë, ku një prezantim mbi këto programe dhe theksin që bashkitë duhet të vendosin për të përfituar sa më shumë prej tyre, e ka bër Znj. Mirela Muça, Drejtore e Përgjithshme e Agjencisë për Kërkimin Shkencor dhe INovacionin (AKKSHI).

U zhvillua takimi i 2-të i Komitetit Drejtues të Projektit “Bashkitë për në Evropë”, një projekt i financuar nga Bashkimi Evropian.

Përfaqësues të Projektit, delegacionit të BE, Ministrisë së Brendshme, Ministrisë së Financës dhe Ekonomisë, Agjencisë për Vetëqeverisjen Vendore, Zyrës së Kryenegociatorit dhe Shoqatës së Autonomisë Vendore, ishin të pranishëm në diskutimet që u zhvilluan në mjediset e Ministrisë së Brendshme.