Aktivitete

Në vijim të aktiviteteve kombëtare që secili Kënd i BE po organizon në bashkinë e tij përgjagjatë vitit, me mbështetjen e projektit Bashkitë për në Evropë, këndi i BE në qytetin e Kukësit në bashkëpunim me bashkinë e këtij qyteti, organizuan në datën 5 Qershor 2018, një debat tematik me fokus : “Problemet mjedisore në Bashkinë e Kukësit : Sfidat dhe Zgjidhjet.

Në kuadër së Javës së Gjelbër të Bashkimit Evropian: “www.eugreenweek.eu - një aktivitet ndërkombëtar që festohet në mbarë Evropën”, Këndi i BE në Tepelenë në bashkëpunim me Projektin Bashkitë për në Evropë dhe bashkinë e qytetit, organizuan një debat tematik, mbi potencialet e gjelbëra të rajonit të Tepelenës dhe mundësitë e turizmit kulturor në këtë qytet.

Në 28 Maj 2018, Bashkia Maliq në bashkëpunim me Këndin e BE të kësaj Bashkie, si dhe me mbështetjen e Ambasadës se Republikës së Spanjës në Shqipëri,  organizuan në qendër të këtij qyteti aktivitetin kulturor me temë "BE, një hapësirë e përbashkët diversiteti kulturor" .

Bashkia e qytetit të Gramshit, në bashkëpunim me Këndin e BE së kësaj bashkie, organizuan në këtë qytet aktivitetin me titull : “Turizmi, një mundësi e mirë për zhvillimin e Gramshit”. 

Qëllimi i këtij aktiviteti ishte përfshirja e komunitetit si dhe e grupeve të interesit, kryesisht sipermarrjet e fermerëve dhe agro bzinesit, në një debat specifik në lidhje me zhvillimin e turizmit në Bashkinë Gramsh. 

Tiranë 22.23 Maj 2018

Projekti Bashkitë për në Evropë, në bashkëpunim me Ministrinë e Brendëshme, organizoi në datat 22 dhe 23 Maj 2018, një trainim dy ditor me drejtuesit e Këndeve të BE -së në bashkitë e vendit, mbi fuqizimin e kapaciteteve te pushtetit vendor në lidhje me integrimin Evropian.