Agjencia për Mbështetjen e Vetëqeverisjes Vendore në bashkëpunim me  Projektin “Bashkitë për në Evropë”, organizuan në datën 5 Korrik 2018, në ambjentet e Shtëpisë së Evropës “House of Europe” në Tiranë, një takim pune mbi “Treguesit e Vlerësimit të Performancës së Bashkive” në kuadër të Integrimit Evropian të vendit.

Projekti Bashkitë për në Evropë, përmbyll me sukses trainimin për “Shkrimi i suksesshëm i një projekt - propozimi”

Pas grupit të parë të Koordinatorëve, grupi i dyte i tyre, përmbylli sot me sukses, ciklin mbi “Shkrimin e suksesshëm të një Projekti”, në kuadër të ngritjes së fondeve në njësitë e qeverisjes së tyre vendore nga programet e ndryshme të Bashkimit Evropian. 

Trajnimi për Koordinatorët  Lokalë të BE-së mbi “Ciklin e Menaxhimit të Projektit” u realizua në datat 20, 21 dhe 22 Qershor, 2018 në Durrës.

Në këtë trajnim ata morën informacione të nevojshme nga ekspertja Znj. Entela Pinguli dhe Ekipi i Projektit “Bashkitë për në Evropë” për hapat që duhen ndjekur në shkrimin e projekteve sipas formatit të Bashkimit Evropian. Një nga nevojat e ngritura shpesh nga bashkitë ka qenë pikërisht trajnimi në fushën e shkrimit dhe menaxhimit të projekteve të BE-së.  

Dita e Turizmit Malor u festua në Razëm më 23 qershor 2018, një aktiviteti i organizuar nga Bashkia e Malësisë së Madhe, me mbështetjen e projektit "Bashkitë për në Evropë". 

Në datën 18 Qershor 2018 në Sallën e Konferencave të Bashkisë Berat u zhvillua aktiviteti hapës i Kampit “Trashëgimi+” , aktivitet që këtë vit organizohet nga Bashkia Berat me mbështetjen e Projektit ‘’Bashkitë për Europë’’. Ky aktivitetet vjen në sinergji me partnerë të tjerë të rëndësishëm si : Korpusi i Amerikan i Paqes, Qendra e Artizanatit Margarita, Shkolla e Mesme Profesionale ‘’ Kristo Isak’’ dhe Organizata Trashegimia Kulturore pa Kufij.

Dita e Kulturës Pukjane njëkohësisht dhe hapja e sezonit turistik, këtë vit në qytetin e Pukës u realizua me mbështetjen e projektit ‘Bashkitë për në Evropë’.

I konsideruar si një aktivitet i cili këtë vit ndërthuret edhe me Vitin Evropian të Trashëgimisë Kulturore, Dita e Kulturës Pukjane, u zhvillua në disa forma. Në fillim u organizua një tryezë e rrumbullakët për të folur mbi potencialet kulturore dhe natyrore të zonës dhe rolin e tyre në zhvillimin e turizmit në këtë rajon.

Këndi i BE në Ballsh bëhet promotori i hapjes së debatiti të një prej problemeve më të mëdha të zonës. 

Në datën 7 Qershor 2018, në ambientet e Bashkisë Mallakastër, Këndi i BE së këtij qyteti në bashkëpunim me projektin Bashkitë për në Evropë dhe bashkinë e qytetit, organizuan dhe zhvilluan aktivitetin me temë : “Menaxhimi i integruar i cilësisë së ajrit – Sfidat e arritjes së standardeve Evropiane në zonën e Mallakstrës”. 

Në vijim të aktiviteteve kombëtare që secili Kënd i BE po organizon në bashkinë e tij përgjagjatë vitit, me mbështetjen e projektit Bashkitë për në Evropë, këndi i BE në qytetin e Kukësit në bashkëpunim me bashkinë e këtij qyteti, organizuan në datën 5 Qershor 2018, një debat tematik me fokus : “Problemet mjedisore në Bashkinë e Kukësit : Sfidat dhe Zgjidhjet.

Në kuadër së Javës së Gjelbër të Bashkimit Evropian: “www.eugreenweek.eu - një aktivitet ndërkombëtar që festohet në mbarë Evropën”, Këndi i BE në Tepelenë në bashkëpunim me Projektin Bashkitë për në Evropë dhe bashkinë e qytetit, organizuan një debat tematik, mbi potencialet e gjelbëra të rajonit të Tepelenës dhe mundësitë e turizmit kulturor në këtë qytet.

Në 28 Maj 2018, Bashkia Maliq në bashkëpunim me Këndin e BE të kësaj Bashkie, si dhe me mbështetjen e Ambasadës se Republikës së Spanjës në Shqipëri,  organizuan në qendër të këtij qyteti aktivitetin kulturor me temë "BE, një hapësirë e përbashkët diversiteti kulturor" .