Aktivitete

Përmet, 12 PRILL 2019. Komisioni i Integrimit zhvilloi ditën e premte, mbledhjen e rradhës në Përmet. Njësia për Kordinimin e Integrimit Europian dhe Ndihmës së Huaj, në Bashkinë Përmet, asistoi në organizimin e takimit.

Përvec  anëtarëve të Komisionit, prezentë ishin edhe përfaqësues nga institucionet lokale, (Bashkia, Zyra Arsimore, shkollat etj) institucionet rajonale (prefektura dhe qarku), anëtarë aktivë të komunitetit, përfaqësues të shoqërisë civile dhe të rinj.

Bashkia Kurbin, 19 Prill 2019 - Njësia për Koordinimin e Integrimit Evropian dhe Ndihmës së Huaj në Bashkinë Kurbin, organizoi një sesion informimi me nxënës të Gjimnazit Milot në Njësinë Administrative.

Në këtë takim, të pranishëm ishin mësues, nxënës të vitit të III-të shkollor, si dhe psikologia e shkollës. 

Në datën 22 Prill, në kuadër të Ditës Ndërkombëtare të Tokës, Njësia për Koordinimin e Integrimit Evropian dhe Ndihmës së Huaj në Bashkinë Gramsh, në bashkëpunim me Korpusin e Paqes dhe Këshillin Rinor Gramsh, organizuan një aktivitet ndërgjegjësues ku të rinj të qytetit mbollën lule në sheshin e qytetit si edhe shpërndanë disa informacione në komunitet, në lidhje me mënyrat se si mund të kontribuojmë në mbrojtjen e tokës dhe mjedisit tonë. 

Në kuadër të 22 Prillit, "Ditës Ndërkombëtare të Tokës", në ambientet e Qendrës së Artit "Vaçe Zela", Njësia e Integrimit Europian, Bashkia Lushnje organizoi një aktivitet me temë: "Bëhu dhe ti miku i Tokës".

Në këtë aktivitet u zhvillua një konkurs pikture, ku morën pjesë nxënës nga 35 shkolla 9-vjeçare të qytetit të Lushnjes.

07 MAJ 2019 – Në kuadrin e aktiviteteve që Njësitë e Koordinimit Evropian dhe Ndihmës së Huaj po zhvillojnë në të 61 Bashkitë e vendit, me rastin e Javës së Evropës, Bashkia Mat ka organizuar një takim me temë: “Bashkia e të Rinjve”.