Burimi: Themayor.eu

Projekti do të konsistojë në një aplikacion “realitetit të zmadhuar” dhe ekrane informacioni në rrugë 

Stokholmi mund të jetë një nga qytetet me ajrin më të pastër në botë, por edhe atje statistikat tregojnë se dioksidi i azotit (NOx) dhe mikrogrimcat (PM10) janë një problem që vazhdon të shfaqet. Për këtë arsye, qyteti po punon për zbatimin e një projekti që do të vizualizojë në kohë reale nivelet e këtyre ndotësve direkt në aplikacionet celulare të banorëve.
Kjo do të ndihmojë grupet e interesuara, të tilla si këmbësorët dhe çiklistët të planifikojnë udhëtimet e tyre nëpër kryeqytetin suedez në përputhje me rrethanat, në mënyrë që të shmangin zonat më të ndotura në një ditë të caktuar.
Përfitim i dyanshëm
Emri i projektit në zhvillim është CitizAir dhe pretendimi i organizatorëve të tij është se qytetarët do të përfitojnë realisht në dy mënyra.
“Stockholmasit mund të marrin vendime të informuara se cilën rrugë të marrin ose cilën mënyrë transporti duhet të zgjedhin. Në planin afatgjatë, ata do të jenë gjithashtu më të pajisur për të qenë në gjendje të diskutojnë dhe të ndikojnë vetë në vendimet dhe politikat në lidhje me mjedisin,” tha Mario Romero, profesor i asociuar në KTH dhe menaxher projekti për CitizAir.
Çështja është se nivelet e ndotjes së ajrit në Stokholm, ashtu si në të gjitha qytetet e tjera, ndryshojnë shumë gjeografikisht dhe me kalimin e kohës, në varësi të kushteve klimatike dhe stinëve. Dioksidi i azotit, për shembull, ka qenë mbi normat e kufizimit lokal për 20 ditë në vitin 2019, dhe mikrogrimcat kanë qëndruar mbi kufirin e pragut për 30 ditë në përgjithësi në të njëjtin vit.
Qëllimi është krijimi i një realiteti të zmadhuar (augmented reality) interaktiv, i cili lidh të dhënat aktuale të ajrit dhe ekranet e informacionit në mjedisin urban me një aplikacion në telefonat celularë të Stokholmasve. Projekti filloi në fund të vitit 2021. Në vitin 2024 do të jetë e mundur të shihet cilësia e ajrit të Stokholmit në ekranet interaktive.“Vizualizimet do të zhvillohen së bashku me banorët e Stokholmit në mënyrë që të nisemi nga interesat dhe nevojat e tyre. Qëllimi është të angazhojmë dhe të përfshijmë ne që jetojmë dhe qëndrojmë në qytet në mjedisin tonë të afërt,” shpjegoi Maria Hagardt, menaxhere e projektit në Vetenskap & Allmänhet, një nga partnerët e projektit.