Bashkimi Evropian në bashkëpunim me Qeverinë shqiptare po implementojnë projektin “Bashkitë për në Evropë”. Ky është një projekt që po implementohet në 61 bashkitë e Shqipërisë, me mbështetjen e 61 koordinatorëve lokal të BE-së. Objektivi i përgjithshëm i projektit është forcimi i kapaciteteve qeverisëse të bashkive në lidhje me çështjet e BE-së, si dhe informimi i qytetarëve shqiptarë dhe administratave lokale në Shqipëri, rreth informacionit në lidhje me BE-në, politikat dhe programet e saj. Këndi i BE-së (EU desk) është një instrument i aksesueshëm dhe funksional në të gjitha Bashkitë e Shqipërisë, i mundësuar nga projekti “Bashkitë për në Evropë”. Këndi i BE-së shërben si urë lidhëse e pushtet vendor me atë qendror, është gjithashtu pikë kontakti mes pushteti lokal dhe qytetarëve. Mbi të gjitha Këndi i BE-së ka të bëjë me përqasjen e BE-së ne nivel lokal.