Histori nga vendi

KËSHILLTARË PËR NJË DITË!

PATOS, 9 MAJ - Me rastin e Ditës së Europës, Njësia për Integrimin Europian dhe Ndihmë e Huaj pranë Bashkisë Patos, organizoi me të rinjtë më të mirë të gjimnazeve të qytetit një mbledhje të simuluar të Këshillit Bashkiak të qytetit. Të pranishëm ishin Kryetare e Bashkisë, Kryetari i Këshillit dhe Sekretari të cilët u shpjeguan të rinjve "këshilltarë" organizimin dhe funksionimin e Këshillit Bashkiak, rolin që kanë qytetarët në mbledhjet e Këshillit Bashkiak dhe rëndësinë që ka informimi i komunitetit mbi veprimtarinë e Këshillit.

POGRADEC, 9 Maj 2019 - Në kuadër të festimeve të Ditës së Evropës, Njësia për Koordinimin e Integrimit Evropian dhe Ndihmës së Huaj në Bashkinë Pogradec, në bashkëpunim me shkollat 9 – vjeçare të qytetit, organizuan aktivitetin "Dita e Evropës – Të bashkuar në diversitet”.

Ky aktivitet kishte për qëllim njohjen dhe vënien e theksit në vlerat e Bashkimit Evropian,  rëndësinë e bërjes së tyre pjesë e kulturës sonë, në mënyrë qe integrimi në BE të jetë një proces sa më i natyrshëm për qytetarët shqiptarë.

Selenicë, 23 prill 2019 - Njësia për Koordinimin e Integrimit Evropian dhe Ndihmës së Huaj në Bashkinë Selenicë, në kuadër të Ditës Ndërkombëtare të Tokës, zhvilloi një aktivitet në bashkëpunim me mësuesit dhe nxënësit e klasës së 7 dhe të 8, të shkollës 9-Vjeçare “Todi Koçeli”, në kuadër të Ditës së Tokës.

Ndër aktivitetet e zhvilluara me këtë rast, ishte një hapësirë poetike kushtuar mbrojtjes së planetit tonë, ndërkohë që u organizua edhe një ekspozitë me punime artistike të realizuara vetëm me materiale të riciklueshme, siç ishte mbjellja e luleve në shishe plastike.

22 PRILL 2019 – Njësia për Koordinimin e Integrimit Evropian dhe Ndihmës së Huaj, në Bashkinë Peqin organizoi një aktivitet në kuadër të ditës së Tokës.

Në aktivitet morën pjesë nxënës dhe mësues të shkollës 9- vjecare "Hysni Çela", Karinë.

Nga ana e nxënësve u realizua një ekspozitë me vizatimet e tyre, tema kryesore e të cilëve ishte mjedisi dhe mbrojtja e tij.

“Pa mjedis të pastër, nuk ka jetë”, ishte mesazhi që përshkoi të gjithë aktivitetin e realizuar nën kujdesin e posaçëm të Këndit të BE në Bashkinë e Peqinit.

Njësia e Integrimit Europian në Bashkinë Patos në bashkëpunim me Shërbimin Social dhe Drejtorinë Rajonale të Shërbimit Social Shtetëror Fier, kanë zhvilluar aktivitete informuese me nxënësit e gjimnazeve "Zhani Ciko dhe "Sotir Çapo", përkatësisht në Patos dhe Njësinë Administrative Zharrëz, me temë: "Lufta kundër trafikimit të qenieve njerëzore dhe emigracionit të parregullt".

Në kuadër të Ditës Ndërkombëtare të balonave, këndi i BE-së Bashkia Lushnje, së bashku me Qendrën Kulturore të Fëmijëve dhe Njësinë Administrative Krutje zhvilluan një aktivitet mbresëlënës me nxënësit e shkollave në fushën sportive të Krutjes. Ngritja e balonave, siç e shihni dhe në foto, krijoi një mjedis festiv.

19 PRILL 2019 - Njësia për Koordinimin e Integrimit Evropian dhe Ndihmës së Huaj pranë bashkisë Belsh, në bashkëpunim me Drejtorin e Përgjithshëm të "Qendrës për Planifikimin dhe Zhvillimin e Rajonit të Pologut" në Maqedoni, z.Fatmir Sahitaj, me dt.19.04.2019, prezantuan përpara Këshillit të Bashkisë Belsh, projektin “DETOUR” (Development of Tourism Products Through Utilization of Resources).

Përmet, 23 Prill 2019 - Njësia për Kordinimin e Integrimit Europian dhe Ndihmës së Huaj në Bashkinë Përmet, zhvilloi ditën e sotme një aktivitet me një grup fëmijësh, në kuadër të Ditës së Tokës.

Qëllimi i aktivitetit ishte rritja e ndërgjegjësimit të vogëlushëve, për mbrojtjen e planetit ku jetojmë. Fëmijët u angazhuan nëpërmjet lojërave dhe aktiviteteve të shumëlojshme, që të gjitha synonin të përçonin mesazhet e mbrojtjes së natyrës sonë, si një kusht për të siguruar një të ardhme më të mirë për ata vetë.

VLORE, 27-28 MAJ 2019: Seria e trainimeve që është duke zhvilluar ekipi i Projektit “Bashkitë për në Evropë” në kuadër të Fazës së II të këtij projekt, ka vijuar në qytetin e Vlorës, ku përgjegjësit e Njësive të Koordinimit Evropian dhe Ndihmës së Huaj në 10 bashki, janë trainuar për dy ditë me radhë, në lidhje me çështje që i përkasin Raportimit të projekteve të financuara nga  dhe komunikimit.

Në kuadër të 22 Prillit, "Ditës Ndërkombëtare të Tokës", në ambientet e Qendrës së Artit "Vaçe Zela", Njësia e Integrimit Europian, Bashkia Lushnje organizoi një aktivitet me temë: "Bëhu dhe ti miku i Tokës".

Në këtë aktivitet u zhvillua një konkurs pikture, ku morën pjesë nxënës nga 35 shkolla 9-vjeçare të qytetit të Lushnjes.

Dy çmime të treta u fituan nga shkolla "Kongresi i Lushnjes" dhe "Karbunarë e Madhe", dy çmimet e dyta nga shkolla "Nënshkruesi i Pavarësisë" dhe shkolla "Gramsh", ndërsa çmimin e parë e fitoi shkolla 9 - vjeçare "Barbullinjë".

Faqet